حسره عليها يا حسره عليها
بعد عناء طويل وبحث وتفكير
جبتلكم الليله كولكشن كبير خالص كله موتات هي مش موتات استايل قوي
بس يلا اهي تكفي ا لغرض
اهي موته والسلام
هتعمل ايه لو صحيت من النوم لقيت بيتكم ملان علي اخره دخان
طبعا في ناس هتاخدها الشهامه وتروح علي المطبخ جري وتصحي اهل البيت (الحقو حريقه)
يروح بباك بكل برود روح نام يا توتو احنا في شهر حريق الرز دي السحابه السودا
السحابه السوده تاني يا بابا هي الحكومه مش وعدتنا من 19 سنه انها هتقضي علي الظاهره دي
انا مش عارفه هو قال 19 سنه ليه يمكن عشان ده ده تقريبا عمره
اما وفقا لمعلومات غير مؤكده عندي
ان الحكومه بتوعندنا بالموضوع ده من 9000
ماعلينا
طبعا السحابه السودا مش جديده وعمرنا ما سمعنا عن حد مات بسببها
انا عارف والله بس معانا الامر مختلف احنا بقي هنخلي السحابه السودا تموتكو
لان هدفنا من الموضوع ده اننا نقضي علي الكثافه السكانيه اللي محيره الحكومه
يعني من الاخر لازم تموتو
اقلوكو هتموتو ليه لان السحابه السودا السنادي جاي معاها رياح محمله بالاتربه من عند ليبيا
مع موجه حر تخنق
هتقولي وايه يعني برضو مش هنموت احنا ناس بتاكل فول و عندها حصانه
طيب لو قلتلك ان الفول اللي بتاكله فيه سم قاتل
اه والله مش هو بس دي خضراوات كتييير جدا مزروعه علي مياه الصرف الصحي
يعني تخيلو كمية الجراثيم اللي بناكلها!!!
خلاص محلوله نغسل الاكل كويس جدا قبل اكله وربنا يستر بقي
والله اما تغسلوه بمية نار او حتي هاربك
دي الجراثيم
دخلت في مكوناته الاساسيه اصلايعني مش ينفع تتخلص منها الا اذا غسلت الخضار خليه خليه
وحتي لو حصلت المعجزه دي وقدرت تغسل الخلايا
هتغسلها بايه مش بالميه
طيب الميه دي مش كانت السبب في اصابه كميات مهوله من البشر في محافظة القليوبيه والشرقيه
بالتيفووووووووود
من الاخر دي منظومة تلوث
ان قدرت تنجو من حاجه هتتصاب بالتانيه
يعني من الاخر هتموتو يعني هتموتو
