من طرف 
ممكن كلامي يعجب بعضكم وممكن لا ؟ ممكن ألاقى ردود أفعال عنيفة منكن أو استحسان منهم لكن دا مش معناه أنى هنكر إحساسي بالحقيقة هى إن معاناة المرأة في الوقت الحاضر محاولتها المستميتة فى المساواة بالراجل .
يعنى أية أصلا مساواة بين رجل وامرأة؟؟؟ مساواة في أية ولية؟؟؟
الراجل بصفاته وطبيعته وتكوينه ككائن بشري تختلف تماما عن طبيعة المرأة
لان كل جزء فيهم نصف مكمل للأخر ولما نساوى بينهم فين التكملة؟؟؟ فين الجزء إلى هيكملهم هما الأتنين
لية المرأة تتخلى عن أنوثتها وعن دورها الأول في الحياة وهو أنها انـــثــــــي
لية تبقى مهندس ميكانيكا؟؟؟ أو مهندس كهربا أو سيارات أو حتى مدنـى؟؟؟ لية تبقى ظابط ازاى تكون محامى؟؟؟يعنى اية تبقى قاضي الله وكمان امام مسجد طب بالله عليكم ازاى؟؟؟
لما تكون المرأة عايزة تحتفظ بدورها كأمرأة تاخد دور الرجل ووظائفه ومهامه في الحياة إذن ما الحاجة للرجل؟؟؟؟
لية نتعامل مع الحياة العملية القاسية بزحمتها وخشونتها ومشاكلها وجرى وراء المادة والتصدى لمواجهة المجتمع ونقول دى بنت ب 100 راجل
ولما تبقى ب 100 راجل فين البنت مصدر الرقة والحنية فين البنت الى بتحلم بالأمومة فين مصدر الدفا فى الحياة
لية ميسبوش للراجل دوره فى الحياة ويقوموا بدورهم على أكمل وجهه؟؟؟اه يتعلموا ويدخلوا كليات خاص بكينونيتهم وطبيعتهم يدخلوا مجالات يفيدوا بيها أولادهم ويربوهم صح ويطلعوهم رجالة قوية وبنات تكمل رسالتهم
معدل الجريمة زاد،،،،نسبة العنوسة زادت،،،،نسبة الطلاق زادت،،،،نسبة الانحرافات بين الشباب زاد،،،،، والسبب زيادة معدل خروج المرأة من بيتها والبحث عن المساواة
طيب مستنين اية تانى؟؟؟
انا مش كاتب الكلام دا علشان أستفذ بيه حد ولا كلامي عن الموضوع دا انتهى
ولا أنا مع أي حد في رأيه أنا بقول رأيي الشخصي ،،،، أنا بس بصيت لنص الكباية المليان،،،لو خدوا مكنهم صح هيأدوا دورهم صح و هيدوالشبابنا فرصه فى العمل أكتر و ثقته فى بنات جيله هتزيد هيلاقى الى تقدر تقف جنبه وتساعده أنهم بيبنوا مستقبلهم
مجتمعنا بيرجع لورا قصاد كل خطوة بناخدها احنا لقدام فى المساواة
قال تعالى
بسم الله الرحمن الرحيم
(الرجال قوامون على النساء بما فضل الله بعضهم على بعض)
انا مش بنهى كلامى بالآية دى انا ببدأ صفحة جديدة فى نفس الموضوع بس التكملة لسة هكتبهالكم
لأن لسه للحديث بقيــه ...........
