من طرف 
الحمد لله والصلاة والسلام على سيدنا محمد(صلى الله عليه وسلم)
هنبدا مع بعض نهتم بكل حاجه من الالف للياء ويارب يكون ده مرجع لكل بنوتة فينا
بسم الله توكلت على الله
اولا:الشعر
يا بنات شعرنا ده من اهم اهم اهم وحطى تحتها ستين خط
اهم حاجه فى البنت
ده هو ده زينة البنت
بالنسبة للبنات المحجبات ارجوكى بلاش كمية الطرح الكتيرة اللى بتلبسوها
خلى شعرك يتنفس
خليه يتهوا بلاش تكتميه
واهم حاجه لازم تلبسى حاجه قطن على شعرك وبعد كده تلبسى الايشارب عادى
وده عشان الحرارة
ده بالنسبة للايشارب
نيجى بقى يا بنات لاهم نقطة وهى اننامش نغسل شعرنا بمية دافية
انا لسه عارفه المعلومة دى طازززززة لانك بكده بتفتحى المسام ومش بتسمحى لفروة شعرك انها
تستفيد بالزيوت اللى بتعمليها
يبقى نعمل ايه؟؟ نغسل شعرنا بمية فاترة او دافية وبعدين مية ساقعه عشان نقفل المسام
طيب تمام لحد كده تمااااام
ننتقل بقى لاهم الزيوت واهم حمامات الكريم اللى نعملها عشان شعرنا
1:حمام زيت للشعر مفيد ليه جدا
معلقة شيح البابونج
2 معلقة جوز الهند
2 معلقة بزر الكتان
نسيبه بتاع ساعه وشوية وبعدين نغسل شعرنا
نعمله مرتين مثلا فى الاسبوع
2:حمام للقشرة
اسبرين و شامبو
طبعا اكيد بتضحكوا ايوة فعلا هاتى اسبرين واطحنيه او فتتيه كويس
وحطى شوية من الشامبو المفضل ليكى وتكونى واثقة فيه
وبعدين تخلطيهم وتحطيه على شعرك فترة كده وبعدين تغسليه
3:للتقصيف
صفار بيضة
ومعلقتين عسل نحل
معلقتين زيت زيتون
4:للشعر الجاف
زيت سمسم وزبادى
وده بجد هااااااااايل وعن تجربة
كده انا خلصت النهارده
اشوفكم على خير وهنتكلم عن الحنة وازاى نسرح شعرنا وحاجات تانية كتييييييييير
سلام يا قمرات
